Հարմարավետությունը սկսվում է տան արտաքին գեղեցկությունից

Հարմարավետությունը սկսվում է տան արտաքին գեղեցկությունից

Երեսպատումը միավորում է ճարտարապետական ոճը և ամրությունը՝ ստեղծելով ներդաշնակություն

Թաղամասում արդեն մեկնարկել են առանձնատների երեսպատման աշխատանքները։ Այս փուլը տալիս է շինություններին իրենց վերջնական տեսքը՝ ընդգծելով տարածքին բնորոշ գիծը և ամբողջ թաղամասի ճարտարապետական տեսքն ու ներդաշնակությունը։

Երեսպատումը կազմված է մի քանի փոխկապակցված շերտերից, որոնք միասին ապահովում են ջերմամեկուսացում, պաշտպանություն արտաքին ազդեցություններից և բարձրակարգ տեսք։ Այս կառուցվածքը ոչ միայն էսթետիկ լուծում է, այլև նպաստում է շենքերի էներգաարդյունավետությանը և կլիմայական հարմարավետությանը։

Տեսարանում օգտագործվող երեսպատման նյութերը ընտրվել են՝ հիմնվելով և՛ որակի, և՛ տեղային ճարտարապետական ավանդույթի վրա։ Դրանց թվում են՝

• բնական քար,

• տրավերտին,

• բազալտ,

• ճարտարապետական բետոն,

• դեկորատիվ սվաղ,

• փայտյա երեսպատում՝ տաք երանգներով,

• մետաղական մաքուր պրոֆիլներ։

Բնական քարը, որ ներկայում ակտիվորեն կիրառվում է Տեսարանում, միանգամայն բնորոշ է հենց այս տարածքին։ Այն երկար տարիներ օգտագործվել է հարակից Քանաքեռավան գյուղի շինությունների երեսպատման մեջ, և այդ առումով դարձել է բնական շարունակություն Տեսարանի ճարտարապետության համար։

Երեսպատումը Տեսարանում պարզապես արտաքին հարդարում չէ, այն ձևավորում է ընդհանուր միջավայրը և  կառուցում է որակյալ կյանքի հիմքը։